Naya sahar 😨
📖 Chapter 01 Room Number 203
☑️Scene -01 New city
Rahul ek chote sahar Gwalior ka rehne wala tha jo ki apni padhai puri karne ke baad Bhopal job karne ke liye aaya tha.
Rahul ko apne sheher se aate aate shaam ho gyi thi Rahul ne socha jab tak koi acha sa flat nhi mil jata tab tak vo hotel me rahega
Jab Rahul bus stand se bahar nikla to samne ek taxi khadi thi . Rahul ne taxi vale se kisi hotel le jane ke liye kaha taxi vale ne Rahul ko ek hotel ke bahar chhod diya jiske bahar red plate pr hotel ka naam likha huaa tha "Hotel dignity "
Rahul hotel ke andar chala gya usne reception par jakar pucha koi room Khali he .
Receptionist ne computer me list dekhne ke baad kaha yes sir ek kamra khali he .203
Fir Rahul ne room ki keys li or lift me chala gya jab Rahul Upar pahucha lift khuli or Rahul lift se bahar aa gya usne dekha ki hotel pura sunsan tha.
Raat ke 10 baj chuke the Rahul ko bhi nind aa rhi thi to vo aapne room me sone chala gya
☑️Scene -02 The Call at 12:30 AM
Raat ke exactly 12:30 AM par Rahul ki aankh khuli.
Koi tej sound nahi hua tha. Na koi daravna sapna . Phir bhi uska dil tez dhadak raha tha — jaise uski body kisi andekhe khatre ko mehsoosl kar raha ho.
Kamra andhere me dooba hua tha. Sirf khidki ke bahar se aati halki streetlight ki roshni room ke ek kone me gir rahi thi. Pankha dheere-dheere ghoom raha tha, aur uski awaaz ajeeb tarike se zyada ajeeb lag rahi thi.
Tabhi…
Gmmmm gmmmm
Uska phone vibrate hua.
Rahul ne aankhen aadhi kholi aur side table par haath phaila kar phone uthaya. Screen ki light ne uski aankhon ko chubha diya.
Unknown Number.
Usne thoda sa face banaya. "Is time kaun call karta hai yaar…" wo dheere se bola aur call cut kar diya.
Phone wapas rakhte hi usne aankhen band kar li.
Abhi phone rakha hi tha ki—
Gmmmm… gmmmm…
Phir se call.
Is baar usne ignore kar diya.
Phir teesri baar…
Gmmm… Gmmm…
Ab irritation dar me badalne laga tha.
Rahul ne jaldi se call receive kiya.
"Hello?! Kon hai?"
Koi jawab nahi.
Sirf… saans lene ki awaaz.
Dheemi… bhari… jaise koi bhaag ke aaya ho aur ab control karne ki koshish kar raha ho.
Rahul ka gala sukh gaya.
"Hello? Kon bol raha hai?!"
8-10 seconds tak sirf silence… aur wo heavy breathing.
Phir ek awaaz aayi.
Itni dheemi ki jaise kisi ne seedha uske kaan ke paas bol diya ho—
"Room 203 mat jana…"
Call cut gya .
Rahul kuch seconds tak phone ko stare karta raha.
Uska dimag samajhne ki koshish kar raha tha ki abhi kya hua.
"Prank call hoga…" usne apne aap ko samjhaya. "Koi chutiya hoga."
Usne call log check kiya.
Number… blank tha.
Na koi digits, na koi name.
Jaise call aaya hi nahi.
Uska heart rate fir se badhne laga.
"Network glitch…" usne fir excuse banaya.
Par andar kahin na kahin ek ajeeb si feeling thi —
ye normal nahi tha.
Wo wapas let gaya.
Par ab neend gayab thi.
Uski nazar automatically room ke har kone par ja rahi thi. Door… window… corner… mirror…
Mirror.
Usne mirror ki taraf dekha.
Kuch second tak bas stare karta raha.
Sab normal lag raha tha.
"Main overthink kar raha hoon…" usne apne aap se kaha aur finally aankhen band kar li.
☑️scene - 03 Reception
Next Morning
Subah 9 baje ke aas paas Rahul ki aankh khuli.
Is baar sab normal lag raha tha.
Sunlight room me aa rahi thi. Bahar se gaadiyon ki awaaz aa rahi thi. Life wapas normal mode me aa chuki thi.
Raat wali baat ab thodi stupid lag rahi thi.
"Sach me , main bhi na…" wo khud pe hasta hua bola.
Rahul fresh hua, kapde pehne aur neeche reception pe gaya.
Reception area saf aur shaant tha .
Ek lady computer pe kaam kar rahi thi.
Pr ye vo nhi thi jo kal shaam ko thi Rahul ne thoda socha or fir
Rahul ne politely bola,
"Excuse me, mera room key?"
Lady ne screen check ki aur smile ki.
"Ji sir, aapka room ready hai…"
Rahul ne casually haath badhaya.
Aur phir usne suna—
"Room Number 203."
Uske haath freeze ho gaye.
Ek second ke liye usse laga jaise kisi ne uske kaan me dubara wahi line repeat ki ho—
"Room 203 mat jana…"
"Sir?" receptionist ne thoda confused hoke pucha.
Rahul jhatke se reality me aaya.
"Uh… haan… actually… koi aur room mil sakta hai?" usne pucha.
Lady ka expression change ho gaya.
"Sorry sir, abhi sirf 203 hi available hai."
Rahul kuch seconds chup raha.
Uska logical mind bol raha tha —
"Coincidence hai. Bas ek coincidence."
Par andar ka darr keh raha tha —
"Nahi… kuch gadbad hai."
"Okay…" usne finally key le li.
☑️Scene -04 Lift Scene
Lift me khada Rahul apne reflection ko dekh raha tha.
Sab normal lag raha tha.
Par uske dimag me bas ek hi sawal ghoom raha tha—
"Us unknown caller ko kaise pata tha?"
🛌 Room 203
Lift ka door khula.
Hallway bilkul silent tha.
Carpet itna soft tha ki chalne ki awaaz bhi nahi aa rahi thi.
Rahul dheere-dheere chalta hua room 203 ke saamne aaya.
Darvaja ke upar likha tha: 203
Usne key lock me dali
Par haath ruk gaya.
Ek ajeeb si feeling…
Jaise koi andar se usse dekh raha ho.
"Ruk jaao…" usne khud ko force kiya aur door unlock kar diya.
Kamre ke andar
Room bilkul normal tha.
Bed perfectly set.
Table saf.
Parde band.
Sab kuch itna normal tha ki wo thoda relax ho gaya.
"Dekha? Kuch nahi hai…" usne halki si smile ke saath kaha.
Wo andar aaya aur door band kar diya.
Jaise hi usne room ko properly dekhna start kiya…
Uski nazar mirror pe gayi.
🪞 The First Disturbance
Rahul mirror ke saamne khada hua.
Usne apna face dekha.
Normal.
Usne apna haath uthaya.
Reflection ne bhi uthaya.
Par…
thoda late.
Rahul ka dil ekdum fast dhadakne laga.
"Shayad mujhe lag raha hai…" usne dubara try kiya.
Is baar bhi—
delay.
Ab doubt nahi tha.
Kuch galat tha.
Tabhi…
Tip…tip…tip…
Bathroom se paani girne ki awaaz aayi.
Rahul Jaam ho gaya.
Usne yaad kiya—
usne bathroom use hi nahi kiya tha.
Wo dheere-dheere bathroom ki taraf badha.
Door thoda sa open tha.
Andar se halki si light aa rahi thi.
Paani ki awaaz ab clear thi.
Uska haath door par gaya.
Saans heavy ho gayi.
Aur dheere se usne door push kiya…
🚿 Aakhri drishya
Bathroom ke andar…
Shower chal raha tha.
Aur uske neeche—
koi khada tha.
Rahul ki aankhen phat gayi.
Kyuki…
Room me to wo akela tha.
Aur tabhi uska phone vibrate hua.
Screen par message:
"Ab tum andar aa chuke ho… ab bahar nahi ja paoge."
Read chapter 02 🎧📖