Kahani mai twist hai. Tab ki baat hai jaan mai class 8 mai thi. Mujhe class 8 mai piyar ho geya tha. Class 6 se mai hostel Mai rehti thi. Class 8 mai lockdown tha to tab gar mai rehti thi. Online class ke bahane phone use karne ka mouka mil jata tha. Class 7 mai mujhe apna khudka phone mil geya tha. Mai muslim girl hu aur jisse piyar hua wo bhi muslim hi hai.
To Mai khudko introduce karti hu...
Mai ek larki hu naam nhi bolungi tum log mujhe Inaya bula sakte ho. Mai class 6 se hostel rehti thi. As you know Jawahar Navodaya vidyalaya (JNV). Udhar class 6 mai interview hota hai aur 80 students select kiye jate hai pure district mai.
Uska introduction
Woh ek larka hai jo umar mai mujhse sirf 1 month barha hai. Hum log same class Mai to the lekin section alad tha. Wo bohot handsome tha. Uska hair itna sundar hai aur uske akho mai Nasha hai. Uska body pura fit hai. Uska naam bhi nhi bata sakti aap log bula sakte ho Yusuf.
Aab athe hai story par
Kehte hai na jinko milna hota hai wo mil hi jate hai. Eu aisa ki wo meri fuppu ka beta ka classmate tha. Class 6 mai maine uske baremai suna tha mere bhai se. Jab lockdown tha to sabke pas phone to hota hi tha. Class 7 se wo mera bohot acha dost tha. Mai jiyada Kisike baat nhi karti thi.
Bohot din baad ek rat ko uska message aya mujhe, ramzan ka mahina tha tab, aise hi hal chal puch raha tha. Maine bhi bola achanak yaad kaise aa geya. 2 ya 3 din baad firse uska message aya. Mai actually chats clear kar deti thi normally. Wo bolta hai "aaj yaad nhi aa Raha tha to jor jabar dasti yaad laya hu". Maine bola "samaj nhi aya kiya bola tumne". To usne bataya ki "tumne usdin pucha tha na ki yaad kaise aa geya, isliye bola."
Aise karte karte conversation long hota geya aur humare bich closeness ata raha. Raat raat jagke hum dono baate karte rehe.
Taab hum class 8 mai the. Ekdin pata chala ki humare udar town mai tuition chal Raha hai sirf JNV students ka. Humare udar JNV students ka torha jiyada ijjat hota hai. To usmai Yusuf bhi pehle se. Mere gar se tuition jitna dur tha usse pura opposite side se uska gar bhi utna dur tha. Wo apni ek cousin ke sath ata tha aur mai apni aur ek cousin ke sath jati thi. Hum dono ka cousins bhi classmates the aur bestfriend the.
Hua ye hai ki maine usko last class 6 mai dekha tha and I knew him because wo topper tha but Mai sure nhi thi ki wo mujhe pehchanta bhi hoga ya nhi.
Tuition ka pehla din:
Maine usko bataya nhi tha ki mai bhi join ho rehi hu bolke. Lekin mujhe pata tha wo bhi hai tuition Mai.
Jaab hum geye the tab wo aur uski cousin udhar bahar kadhe the.
Mai pura shocked ho geyi thi ki ye larka itna sundar kaise ho sakta hai. Uska itna sundar hair, itni nasheli eyes, tall. Mai bohot introvert type ki insan thi. To Mai baat nhi kar paa rehi thi.
Class room ek hi tha aur rules aise the ki har koi apne classmates ke baithega ek branch pe agar jaga nhi hota hai to next branch pe jake baithenge. Humare class se sirf hum dono the.
Usdin mai pehli bar uske sath baithi thi. But but but hum donone humare middle par apna bag rakha hua tha🙂.
Koi conversation nhi hua dono ke bich.
Ghar ane ke baad mai bewakoof ke tarah usko puchti Hu ki "aaj mujhe dekha tha tumne?" Uska reply hota hai "nhi to"
Firse mai bolti hu " kyu mai ayi thi tuition Mai" uska reply hota hai " ha baba dekha maine" mai bolti hu " mujhe pehchana kaise" uska reply hota hai " mai pehchanta hu to tumko"
Taab mai itna khush thi, i don't know kyu khush thi.
Aise hi humara conversation chalta raha.
Ekdin middle se bag bhi hat geya ek sath pas pas baitne lage dono.
Ekdin aise hi baat ho hi Raha tha ki maine usko bola kuch bolne ke liye to usne mujhe bola kuch bolne ke liye, to maine usko bola tumhare pass kuch nhi hai kiya kuch to wo bolta hai " bohot kuch hai lekin dar lagta hai bolne mai" mai innocent si bachi thi mujhe laga jarur kisine mere baremai kuch bola hoga mai usko force karne lagti hu. Fir wo bolta hai " time ane do mai khud bol dunga" mai kaha mnne wali thi.
Itna convence karne ke baad wo finnally bolta hai "i love you"
Aur mai shocked ho geyi thi. Mujhe laga prank kar raha hoga.
Proposal night:
Mai usko bolti hu "duniya larki nhi hai kiya" wo bolta hai nhi hai. Fir puchti Hu Mai " kisne bola ye bolne ko" wo reply deta hai " koun bolega mujhe"
Jaab hum class 6 mai the tab usko humare class ke larki ke naam se chirate the, to Maine uska naam liya aur bola wo to hai na.
Wo bolta hai tik hai aj se mai usse baat karunga. Mai bhi bol diya " tik hai karna." Idhar us raat ka conversation katam ho jata hai.
Next day Sunday tha tuition band tha.
Pura din conversation nhi hua aur rat ko maine usko message Kiya to mujhe laga wo mujhe ignore kar raha hai.
Monday in tuition:
Mai usko puchti Hu mujhe kyu ignore Kiya kal. To wo bolta tumne ignore Kiya hai mujhe. Maine bola kaha kiya maine. Wo bolta hai maine i love you bola tha tumne reply Kiya tha kiya. To Mai bolti hu mujhe nhi pata maine kabhi Aisa nhi bola kisiko.
Fir ekdin usne mera hath mai touch kiya indirectly.
Aisehi conversation chalta rehta hai aur eid ki chutti bhi aa jata hai. Uske pehle hi uska course katam ho jata hai taab kuch dino se mai absent thi kyuki meri cousin nhi ja rehi thi aur mujhe akhele jane nhi de rehe the. Wo mujhe bar bar bolta hai aa jaona please last hai aj. Aur fir wo bhi nhi geya tuition Mai bhi nhi geyi.
Humara WhatsApp par bathe hote rehte the non stop. Wo kabhi kabhi flow flow mai mujhe propose bohot bar karta rehta tha aur mai ignore kar deti thi. Mai relation ke ready nhi thi.
One night:
Wo mujhe bolta hai "agar tum mera proposal accept nhi karti ho to mujhse aur kabhi baat maat karna"
Phir wo time mere liye bohot hardest tha kyuki uske sath itna jiyada attachment ho geya tha ki aab bina baat Kiye nhi reh sakti thi.
Phir maine bhi i love you bol diya usko
Phir hum dono relationship Mai aa geye
Aise hi chalta raha 2,3 month Tak, phir ekdin mera recharge katam ho geya aur tab exams bhi katam ho geye the online classes nhi tha aur mummy recharge karwake bhi nhi de rehi thi. Aur 3,4 din se itna Sara messages karte ja raha tha. Mai tarap rehi thi baat karne ke liye. Call bhi nhi kar sakti kyuki dar lagta agar uski mummy ne pick Kiya to game over ho jayega. Phir recharge karwake usko message Kiya Maine. Taab pata nhi mujhe wo pehle se thora sa different laga.
Wo larka jo har waqt mujhse baathe karta rehta tha wo abhi mujhe bolta hai rat mai baat karenge. Tabse wo din mai kabhi baat nhi karta tha. Usne mujhe batake raka hai ki Mai aage se message na Karu, agar wo message kare to hi reply Karu.
Mai pura din wait karti rehti thi aur uske baremai hi sochti rehti thi. Raatko wo 9 baje online atha tha aur 2 ya 3 baje bolta tha neend aa raha hai. Mujhe gussa aaa jata tha kyu ki conversation kam hoti jaa rehi thi.
Phir dheere dheere wo late se online aane laga kabhi 10 baje phir 11 baaje aur phir aise hi late hone laga...