Poora din bas ek hi cheez dimaag me chal rahi thi…
"Woh kaun hai?"
School ke har corner me maine aankhon se search kiya…
Classmates, corridors, canteen…
Har ladka ek second ke liye suspicious lag raha tha.
Par koi bhi… "woh" nahi lag raha tha.
Aaj phir uska message aaya:
"Tum aaj blue dress me achi lag rahi thi…"
Mere haath thande pad gaye.
Blue dress…
Matlab woh school me hi hai.
"Kaun ho tum? Samne aane ki himmat nahi hai kya?"
Maine thoda gusse me type kiya.
Reply instantly aaya:
"Himmat hai… par waqt sahi nahi hai."
"Drama band karo aur naam batao apna!"
"Naam jaan ke kya karogi?
Log naam yaad rakhte hain…
Main chahta hoon tum mujhe feel karo."
Mujhe samajh nahi aa raha tha…
Gussa bhi aa raha tha…
Par sach kahu toh… thoda sa interest bhi.
"Tum mujhe dekhte rehte ho?"
Maine poocha.
"Roz."
Dil fast dhadakne laga.
"Creepy ho tum."
"Shayad…
Par jo tum feel karti ho… woh bhi toh kisi ne kabhi notice nahi kiya."
Main chup ho gayi.
Uski baat… seedha dil pe lagi.
Kisi ne kabhi nahi poocha ki main kaisa feel karti hoon…
Aur yeh unknown ladka… sab samajh raha hai?
Raat ko main window ke paas khadi thi…
Phone haath me tha.
Message aaya:
"Kal milna hai."
Maine shock me reply kiya:
"Kya?"
"Library… last bench… 1:30 pm."
Dil ek saath excited bhi tha… aur dar bhi lag raha tha.
"Main nahi aungi."
"Tum aaogi…
Kyuki tum bhi jaana chahti ho… main kaun hoon."
Screen ko dekhte hue…
Maine dheere se phone band kiya.
Aur bas ek hi baat sochi…
"Kal… meri life change hone wali hai…
Ya shayad… aur complicated."