Aaj pata nahi kyun, dil thoda bhara hua tha… isliye bina kisi ko bataye ghar se nikal padi. Mujhe khud bhi nahi pata tha main kahan ja rahi hoon, bas itna tha ki thodi door jana hai—khud se bhi, aur un sab baaton se bhi jo mujhe andar hi andar pareshaan kar rahi thi.
Station par kaafi der tak akeli baithi rahi… phir meri nazar us ladke par padi. Pehle toh bas ek anjaan tha, par dheere-dheere pata nahi kaise hum baat karne lage. Safar start hua, aur saath mein ek ajeeb si comfort bhi. Beech-beech mein chhoti-chhoti problems aayi—seat ka issue, thoda confusion… par uske saath sab manageable lag raha tha.
Pata nahi kyun, par maine usse woh baatein bhi share kar di jo main kisi ko nahi batati. Shayad isliye kyunki mujhe pata tha… yeh safar khatam hote hi hum alag ho jayenge.
Jab shaam ko train pahadon ke beech se ja rahi thi, sab kuch perfect lag raha tha… jaise zindagi thodi der ke liye theek ho gayi ho. Par tabhi mera phone baja… aur sab kuch wapas yaad aa gaya.
Mujhe utarna tha.
Main bina kuch kahe uth gayi… par jaane se pehle maine uski taraf dekha, aur dheere se kaha—
"Tumhe lagta hai yeh bas ek safar tha… par mere liye, yeh ek aakhri mauka tha."
Phir aage.....