Hme bas apni santaan chahiye thi ,isliye hmne sab hde tod di.
Hmne tantra vidya shuru kr di.
Ye vidya itni bhi aasan nhi thi.
Roz kuch na kuch kathinae hoti thi.
Ese hi krte krte hmne 3 mahine beet gye.
Hm achchhe tarike se apni kriyae puri kr rhe the.
Pr ek kuch esa hua jisne hamari zindgi badal di.
Hm hr baar ki tarah apni tantra sadhna kr rhe the ki .
Usme ek wighn aa gya,jis karan hmari sadhna bhang ho gyi.
Jis karan shakti rust ho gyi.
Usne hme beta de diya ,hme lagaa ki ab sab shi ho chuka hai,koe bura prabhaw nhi hoga.
Pr baad me hme pta chalaa ki ye koe wardaan nhi shraap tha.
Wo shakti aur koe nhi balki ek jinn tha.
Use ek shareer ki aawshyakta thi.
Us samay jab sadhna me wighn aaya tha ,to wo achchi shakti ki jagah jinn jaagrat ho gya.
Use bhi ek shareer chahiye tha,isliye usne hme beta de diya aur uske andar rehne lagaa.
Pehle hme iske bare me nhi pta tha ki uske andar jinn rehta hai,
Hme jab pta chalaa jab wo 15 saal ka ho gya tha.
Jab ek raat hmne kuch esa dekha ,jo hmare bete ke saath shi nhi tha.
Hr raat ki tarah khana khakr hm sabhi soch rhe the.
Achanak meri aankh khuli
Garmiyo ke din chal rhe the .
Biijali ki katuti chal rhi thi.
Garmi ke mare mujhe aadhi raat ko pyas lag aayi.
Maine apne mobile ki flash light jalae pani ki bottle me dekha to pta chalaa ki bottle me pani khatm ho gya tha.
Garmi ke karan hm sabhi chhat pr sote the ,khuli hwa me .
Neeche kitchen tha.
Mai utha aur seediyo se neche jaate hue kitchen ki or jaane lagaa ,maine mobile phone ki flash light on kre hue tha.
Tabhi ek dil dehla dene wali cheej maine dekh li ,kyoki meri mobile flash jali hue thi,usse aur daraawna manzar ban rha tha.
Koe agar dil ka mareez hota to shayd usko abhi tak hospital leke jana padta.
Maine Dekha- seediyo pr khoon dalaa tha ,mai dheere dheere neche utrne lagaa mujhe lagaa ki ghar me shayd koe chor ho sakta hai ,usi ka khoon hoga ,isliye mai badi saawdhani se neeche utrne lagaa.
Pr maine jo dekha mai ek pal ke tham sa gya.
Mere kadam ruk gye the.
Billi ki laash padi thi,bilii ka khoon bikhra tha ,whi billi jo mere bete ke liye jaana se badkr thi.
Aaj wo billi itni buri tarah mari padi thi.
Aur sabse daraawni baat ,whi pr mera beta baitha Hua tha aur uske haatho me billi ka kaleja tha.
Jaise hi mere bete ne mujhe dekha wo mujhe marne ke liye jhapat padaa.
Maine wakt pr ek laathi utha li aur uske sir pr maar di ,wo behosh ho gya.
Maine apni wifi ko bhi neche bulaya jab usne ye sab dekha to wo kaapne lagi.
Maine use sab bta diya.
Agle din hm use doctor ke pas le gye ,pr kuch nateeja nhi nikla .
Ese kae doctor badlte rhe pr kuch nhi hua .
Jab doctor's ne haar man li to hmne use ek siddh tantrik ko dikhaya.
Hm jaise hi us siddh tantrik ke pas Pauche to usne sab kahani keh sunae.
Usne hme bataya ki hmari saadhna me galti nhi thi,hmne sab achchhe kiya tha .
Hmne santaan prapti ke liye tantra vidya ka upyog krke hi galat kiya tha.
Wo vidya kisi buri shakti ka aawhan krne ke liye ki jaati thi.
Hm us tantrik ke pairo me gir gye .
Hmne kha ki kaise bhi krke hmare bachche ko bacha le,hmari galti ki sazaa hmare bachche ko na de.
Us tantrik ne kha ki mai tumhare bete ke andar rehne wale jinn ko to puri Tarah se hta nhi sakta pr ,apni shaktiyo se use kuch saalo ke liye baandh Sakta hu.
Mere pas iska koe aur hal nhi hai.
Kuch dino tak vidhiya hoti rhi .
Aur us jinn ko bandh diya gya.
Kuch salo tak shi jaa rha tha ,pr ek din kuch esa hua ,jo ki nhi hona chahiye tha.
Tantrik ne saaf shawdo me kha tha ki,hmare ko sharaab ,mans aur buri aadto se dur rakhana nhi to dheere dheere jinn aazad ho jaega aur hmare bete ke shareer pr fir se kabza kr lega.
Jab tak wo hmare saath tha ,hmne use ye buri aadat aur buri sangato me nhi padne diya ,pr jab wo bahar padne ke liye gya ,usne buri late lgaa li ,wo buri sangato me pad gya.
Isliye dheere dheere kr jinn Aazad hone lagaa aur ek din puri Tarah se aazad ho gya.
Hme is baat ki khabar hi nhi thi .