Haveli ke andar sab kuch purana aur dhool se bhara tha. Deewar par purani tasveerein latak rahi thi, jinme logon ke chehre dheere dheere mit chuke the.
Rohan ne apna phone torch on kiya. Tabhi uski nazar ek table par rakhi diary par padi.
Diary kholte hi pehla page likha tha:
"Agar tum yahan tak aa gaye ho, to ab lautna mushkil hai."
Uska dil tez dhadakne laga. Par curiosity ne use aage badhne par majboor kiya.
Diary ke agle pages me ek naam baar baar likha tha—"Anaya"
Aur last page par ek line:
"Usse dhoondo, warna tum bhi yahin reh jaoge."
Achanak upar se kisi ke chalne ki awaaz aayi.
Rohan ne torch upar ki taraf ki…
Aur usse laga jaise koi usse dekh raha ho.