Mera name Priti hai
Main Bihar ke ek chhote se gaon me paida Hui
Aur wahin pali-badi.
Gaon ki zindagi bahut simple hoti hai -na jyada shor,na jyada bhag daud.
Lekin is simplicity ke pLekin eechhe kai aisi kahaniyan hoti hain jo bahar ki duniya kabhi samajh nhi paati
Mere pachpan ki yaadein aaj bhi mere dil me fresh hain .
Subah subah murge ki aawaj se aankh khulna maa ke pyaar se bulana, aur mitti ki khushbu se bhara huaa wo gaon...sab kuchh bahut pyaara tha.
Lekin mere bachpan me sirf khushiyan hi nhi thi ,kuchh aise pal bhi the jinhone mujhe bahut jaldi samajhdaar bana diya .
Hamare Ghar ki financial condition jyada achhi nhi thi.mere parents bahut mehnat karte the taki hum bachchein ko basic zaruratein mil sakein .
Kabhi kabhi aisa bhi hota tha ki kisi cheez ki zarurat hoti thi lekin paise na hone ki wajah se usse chhodna padta tha .us waqt bachpan ka dil thoda dukhi ho jaata tha,
Lekin dheere dheer Maine samajh liya ki zindagi me sab kuchh aasani se nhi milta
Mujhe bachpan se hi padhai ka bahut shauk tha .jab main school jaati thi aur teachers kuchh naya sikhate the, toh mujhe lagta tha ki jaise meri duniya thodi aur badi ho gayi hai
Kitabein mere liye sirf padhai ka zariya nhi thi
Balki ek nayi zindagi ki darwaja thi
Lekin gaon ki ladkiyon ke liye padhai hamesha itni simple nhi hoti. Bahut logo ki soch hoti hai ki ladkiyon ko jyada padhne ki zarurat nhi hai.
Mai baar maine logon ko ye kahte huye suna ki "ladkiyon ko sirf Ghar sambhalna hota hai.
Jab main ye baten sunti thi, to mere dil me ek ajeeb sa ehsaas hota tha .
Mujhe lagta tha ki kya ladkiyon ke sapne sach me itne chhote hone chahiye ?
Main jab bhi akeli hoti thi, aksar apne future ke baare me sochti thi .main sochti thi ki ek din main kuchh aisa karungi jisse mere parents ko mujhpe Garv ho .
Main chahti thi ki meri zindagi sirf gaon ki chhoti duniya tak simit na rahe ,balki main kuchh aisa karun jisse meri Pehchaan bane .
School ke din mere liye bahut khaas the .
Kabhi kabhi mushkilein bhi aati thi - kabhi padhai ka pressure, kabhi ghar ki zimmedari .
Lekin maine kabhi haar nhi maani. har din main khud se ek hi baat karti thi: agar sapne bare hain toh himmat bhi badi honi chahiye .
Samany dheere dheere aage badhta gaya .
main badi hoti gayi aur zindagi ke naye naye
Challenges samne aate gaye .
Kabhi kabhi aisa bhi lagta ki shayad meri zindagi dusron se thodi zyada mushkil hai.
Lekin fir main sochti thi ki mushkilen hi insaan ko strong bnati hain .
Mujhe yaad hai ek din main Ghar ke bahar baithi thi aur aasmaan me taare dekh rahi thi .
Us waqt mere Dil me ek ajeeb si Shanti thi .
Maine socha ki ye taare kitne door hain ,
lekin fir bhi chamak rahe hain .
Shayad zindagi bhi kuchh aisi hi hoti hai
Chahe kitni bhi doori ho ,agar Roshni ho toh chamak zarur hi aati hai .
Us raat maine khud se ek promise Kiya .Maine decide Kiya ki chahe kitni bhi mushkilein aayein,main apne sapno ka peecha kabhi nhi chhodungi .
Mere liye sapne sirf bade bade goals nhi the.
Mere sapne simple the .apne parents ko khush dekhna ,unki zindgi thodi aasan banana ,aur apni pehchan banana .
Main chahti thi ki log mujhe sirf ek gaon ki ladki ke roop me na dekhein. jiske sapne aur himmat dono strong hain
Aaj jab main apni zindagi ke safar ko dekhti hun,toh mujhe lagta hai ki har chhota bada experience mujhe kuchh na kuchh sikhakar gaya hai kabhi khusi mili,toh kabhi dukh .
Kabhi success mili ,kabhi failure
Lekin har cheez ne mujhe thoda aur strong banaya .
Zindagi ka Safar abhi bhi chal raha hai main abhi bhi apne sapno ke pichhe daud rahi hun.
Kabhi kabhi thakawat hoti hai ,kabhi kabhi confusion bhi hota hai.
Lekin mere Dil me ek chhoti si umeed hamesha rehti hai.
Mujhe pata hai ki ek din meri mehant rang zarur layegi .
Main ye bhi jaanti hun ki meri kahani sirf meri nhi hai .mere jaise hazaron ladkiyan hongi jo
Chhote gaon me rehkar bade sapne dekhti hain . shayad hamari zindagi ki shuruaat simple ho ,lekin hamare sapne simple nhi hote .
Agar meri kahani kisi ek ladki ko bhi himmat de sake , agar koi ye soch sake ki agar wo kar skati hai toh main bhi kar sakti hoon, toh mujhe lagega ki meri zindagi ki kahani likhne ka ek matlab tha .
Aaj bhi jab main raat ko aasman me taare dekhti hoon, toh mujhe wahi bachpan wali feeling aati hai lekin ab ek farq hai
Ab mujhe pata hai ki aapne sirf dekhne ke liye nhi hote ,unhe sach karne ke liye mehnat bhi karni padti hai .
Aur main taiyaar hun.
Ye meri zindagi ki kahani hai ek chhote gaon ke ladki ki kahani ,jo mushkilon ke bawajud sapne dekhne ki himmat rakhti hai ...aur unhe sach karne ka hausla bhi .