الفصل الاول:
القيم:
القيم مش وراثة
مفيش حد بيتولد بقيم
دي حاجة الإنسان بيتربي عليها
يختار إنه يحافظ عليها أو يفرط فيها بتتربي جواك مع الأيام من بيت أهلك من مواقف في الحياة
القيم هي اللي بتخليك تعرف نفسك كويس تخليك تبص في المراية وتقول
"أنا راضي عن نفسي"
مش عشان أنت كامل لا كلنا بنغلط بس الفرق إن اللي عنده قيم بيغلط ويتعلم مش بيكابر
القيم بتخليك تحاسب نفسك قبل ما غيرك يحاسبك وتصلح غلطك من غير ما تستنى حد يقولك فيه ناس تتعلم القيم من ضربة وجع من خيانة أو تجربة صعبة بس بعد كل ده بيخرجوا أنضج وأصدق
القيم مش بس في التعامل مع الناس دي كمان في نظرتك للحياة.
يعني لما تكون شايف إن الحياة مش سباق مين يكسب ومين يسبق لكن مين يعيشها بضمير.
القيم مش بتخليك مثالي لكن بتخليك تحاول تكون أحسن كل يوم.
في زمن الكذب فيه بقى عادي والأمانة بقت نادرة والاحترام بقى عملة صعبة
اللي لسه متمسك بالقيم يعتبر بطل حتى لو محدش صقف له
لأن اللي بيحافظ على قيموا وسط الزحمة دي بيحافظ على إنسانيته. القيم مش بتتاخد بالكلام دي بتتغرز بالفعل لما تشوف أم بتعلّم ابنها يعتذر
أو أب بيرجع حق مش ليه، أو شاب بيقول "مش هكذب" حتى لو هيخسر،
اللحظات الصغيرة دي هي اللي بتصنع أجيال عندها قيم
القيم هي الميزان اللي بيقيس بيه الإنسان نفسه،
هي اللي بتفرّق بين واحد محترم وواحد لا،
بين إنسان عنده مبدأ وإنسان ماشي مع الموجة.
القيم مش كلام بنقوله،
دي تصرفات، مواقف، وضمير صاحي حتى لو محدش شايفك.
عشان انت بقيت في زمن كله ماديات اللي لسه عنده قيم يعتبروة
"قديم أو "مش واقعي"
بس الحقيقة إن القيم هي اللي مخليّة الدنيا لسه فيها خير.
القيم يعني أمانة يعني لما توعد تفي،
لما تقول كلمة تكون قدّها،
لما تحترم الكبير وما تظلمش الصغير،
لما تدي الناس حقوقها حتى لو محدش بيحبك.
القيم يعني إنك تبص لنفسك في المراية وتكون راضي مش لأنك كامل،
لكن لأنك ما خنتش مبادئك.
اللي عنده قيم عمره ما يبيعها عشان مصلحة،
ولا يتنازل عنها عشان رضا الناس،
لأن القيم مش حاجة بتتلبس وتتشال حسب الموقف،
دي جوه القلب، وبتبان وقت الشدة.
الناس بتتعرف وقت الأزمات،
ساعتها القيم هي اللي بتكشف المعدن الحقيقي.
القيم مش مجرد شعارات على لسان،
هي اللي بتبان لما تغلط وتعتذر،
ولما تقدر تأذي حد وتقرر ما تعملش كده
القيم كمان مش ثابتة،
احترامك لغيرك، صدقك عدلك،
رحمتك بالضعيف،
دول خطوط حمرا ما ينفعش تتعدى.
القيم دي اللي بتخلي الإنسان إنسان.
وفي زمن الضوضاء والمظاهر،
اللي لسه عنده قيم هو اللي كسبان،
حتى لو خسر فرص أو علاقات.
لأن اللي بيعيش بقيمه بينام مرتاح،
وقلبه مطمئن،
وعارف إن ربنا شايفه وراضي عنه.
وفي النهاية....
القيم مش بتتعلم بالكلام،
دي بتتزرع في البيوت،
وتتربى في القلوب،
وتتكبّر مع الإنسان لما يختار يكون نضيف من جوه قبل ما يكون ناجح مش حاجه تتباهي بيها
دي روح الإنسان، اللي من غيرها بنبقى عايشين من غير معنى.
القيم هي النور اللي جوّا كل واحد فينا،
لو حافظنا عليها، هيفضل منوّر حتى لو الدنيا كلها ضلمة