Ananya hamesh se ek achhi beti banna chahti thi.
Woh ladki jo apne sapne chupke se dekhti thi,
taaki ghar walon ke sapnon par bojh naa bann jaaye.
Uske maa-baap ne kabhi zyada nahi maanga
-
Bas achhe marks, achha behaviour,
Aur society ke saamne koi shikayat na aaye.
Par Ananya har baar thodi si kam pad jaati.
Kabhi marks kam aa gaye,
Kabhi uska khamosh rehna galat samjha gaya.
Kabhi uske aanshu ko zid ka naam se diya gaya.
"Humne tumse yeh umeed nahi ki thi."
Yeh sentence uske liye sabse zyada bhari tha.
Har baar jab yeh suna,
Use laga jaise woh "failed as a daughter" hai.
Woh bura banna nahi chahti thi,
Bas samjhi janna chahti thi.
Par ghar me ladkiyon ke emotions ko aksar samajhne ka waqt nahi hota.
Raat ko sab soo jaate,
Aur Ananya apne aap se sawal karti-
"Main galat hoon...ya bas alag?"
Dheere-dheere usne yeh samjha ki achhi beti ka matlab apni khushiyan maar dena nahi hota.
Kabhi-kabhi parents galat nahi hote,
Bas unhe sikhaya hi nahi gaya ki betiyon ka dard kaise suna jaata hai.
Aur ek din,
Usne khud se kaha-
"Shayad main unki expectations par khari nahi utri.
Par main khud ke liye galat bhi nahi hoon."
Kuch kahaniyan ka end perfect nahi hota,
Par woh ladki jeena seekh jaati hai.
Aur kabhi-kabhi
Survive kar jaana hi sab se badi jeet hoti hai.