Jab mai chhoti thi aur abhi mera addmission nahi hua tha, to jab school over hota tha mai apne ghar se bahar khadi ho jaati aur maa- baap ki ummidon aur sapno se bhra bag peeth pe tang ke bachho ko school se Ghar jaate dekhti rhti aur baar baar yahi sochati ki ye log bag kaise tangte honge bichare bag niklta hi nhi hoga aise hi bag tang ke khate,peete,sote aur khelte honge. To maine apne Uncle ko bola ki uncle ye bachhe bag kaise nikalte honge.
Us chhoti si umar me maano mere mann me swalo ka sailab sa tha.
To mere uncle usi time bike nikale aur mujhe leke chal diye mera addmission krane, mai unke sath apne bagal ke gaaon wale school pahuchi mujhe lga mera entrence exam hoga yaa orally wo log mujhse questions krenge pr wha jaane ke baad teacher bole..."beta apne right hand ko apne sir ke upar se laate huye apne left ear ko touch kro"... Literally aisa hota tha uss time ka entrence 😂 --( By the way kisne kisne ye wala entrence diya hai comment me jarur btaye). Come to the story... To mera hand ear tk nhi Jaa paa rha tha properly to mai sir bend kr le rahi thi baar baar and they were like- no beta don't bend you head. Phir mera chhota sa haath mere chhote se kaam ko thoda sa touch Kiya aur finally mera addmission ho gya 🥹.
Mai ye soch ke khush thi ki ab mai bhi jaan paungi ki bag kaise lete hai aur kaise nikalte hai, par ye soch ke drr bhi rhi thi ki ab to addmission ho gya ab to pura time peeth pe bag leke rhna pdega sabse jyada preshan ye soch ke thi ki bag peeth pe rhega pura time to soungi kaise aur kapde kaise pehnungi 😄.
Par uss din mai bahut khush thi kyuki mere liye new books, school uniform, shoes, lunch box, bottle, pencil, sharpener, eraser and the most important and scary for me "School BAG" sab mere uncle kharid ke laaye...🙂
Finally mere school ka phla din aaya mujhe meri Mumma ne ready Kiya sabkuch bag me properly arrange Kiya aur bag hang kraya mujhe jiske liye mai sabse jyada excited aur thodi si dari hui thi, par hang karke nikalne ke ke baad mujhe samajh aa gya ki koi ise pure time hang nhi krke rkhta ye to nikal jaata hai ye dekh ke mere andar ka pura drr khatam ho gya. Phir mere uncle mujhe bike pe bitha ke mujhe school drop krne gye mujhe toffee dilayi school me drop Kiya classroom me bithaya aur wapas ghar aa gye mujhe ye to nhi yaad mai uss time royi thi yaa nhi par saare bachhe rote hai to sayad mai bhi royi houngi phir jab chhutti ka time hua mere uncle mujhe lene aaye. Kyuki mere papa Ghar nhi rhte the wo dubai rhte the to mere uncle hi mere bachpan me School le jaate aur school se Ghar le aate the. Mahino tk unhone mujhe school drop aur school se Ghar le aaye phir kuchh mahine baad mere uncle ne mujhe school le jaane aur Ghar le aane ki jimmedari mere bhai (Abhishek) jo ki meri badi ammi ka beta hai aur same school me padhta tha use de di, phir mera bhai mujhe school le jaata apne sath mujhe mere classroom me baithata aur chhutti ke baad mujhe safely Ghar le aata.
Hmare ghar se school tk jaane me ek nahar pdati thi kabhi jab nahar me paani nhi hota tha to mera bhai chupke se mujhe Bina btaye nahar paar karke uss paar jaake chhup jaata tha mujhe preshan krne ke liye jab mera dhyan jaata aur mujhe pta chlta mai akele chal rhi hu bhai sath nhi hai mai preshan ho jaati aur rone lagti phir wo nahar se uss side se aata aur mujhe drata tha phir hamlog ghar pahuchte. Aise aise 3 saal beet gye (Nursery, L.K.G, U.K.G) meri ye saari classes Puri ho gyi phir class 1st me mai mama wha chali gyi aur Nani ne wahi addmission kra Diya mai 1 saal wha rahi. Phir ek saal wha pdhne ke baad mai wapas apne ghar aa gyi aur wapas apne usi purane school me addmission liya 2nd me phir 3 saal (2nd,3rd,4th) pdhne ke baad meri Mumma ne saare khandan se lad-jhagad ke Captainganj addmission kraya kyuki wo janti thi gaao me hmara koi future nhi hai wha ke school me naa teacher bachhe pe dhyan dete the naa parents... phir jab mujhe pta chla ki mera addmission Captainganj ke kisi english medium school me hone wala hai mai dusri baar dari pahle bag se darti thi iss baar (dusri baar) ye soch ke drr lga ki bda school hoga bade- bade ghari ke bachhe honge English medium school hai saare English me baat krte honge mai kaise adjust krungi ye sab to chal hi rha tha dimag me ki mujhe ek aur shock diya gya ye bol ke ki..._
TO BE CONTINUED