Mehmano ne kaha" hamare bete ko Taslim nahi aapki beti Aayesha pasand he".
Ye sunkar me usman ki taraf dekh rahi hu . Uska chehra ghuse se lal ho gaya he . Par usne kuch nahi kaha o chup chap khada he .Taslim ko mehmano ki bat itni buri lagi ki Taslim uth kar rote huye kamre me chali gai . Me Taslim ko sambhalne uske kamre ki taraf ja rahi hu.
Me Taslim ke kamre me aa gai hu. O bed par beth kar ro rahi he . Me uske pas aakar beth gai hu. Me use samza rahi hu. Koi bat nahi ,tum ise kahi acha ladka diserve karti ho . Abbu tumhare liye ise acha ladka talash karenge.
Taslim ne muze gale lagaya or o bohot ro rahi he. Abbu ne un logon ko jane ka keh diya he . Hame ye rishta manjur nahi he . O log Jane ke liye gadi ki taraf bade hi the ki achanak us ladke ka per fisal gaya or o sidhiyo se niche gir gaya. Aawaz sunkar me o Taslim bhi bhage bahar chale aaye he.
Bahar aakar dekhte he to o ladka hamare samne khun me latpat padha he . Uske sar se bohot khun beh raha he. Us ladke ke ma bap use gadi me dalkar hospital le gaye. Hame samaz nahi aa raha he achanak uska per kese fisal gaya. Ham sab andar aakar bethe he . Sablog usi ladke ki bat kar rahe he. Meri nazar usman par padi . O khade hokar muskura raha he . Muze uski muskurahat samaz nahi aai . Ham sab pareshan he us ladke ke liye or usman muskura raha he.
Aaj ka din bohot hi mushkilo bhara guzra . Sham ho gai he sablog khane khane ke liye dastar khan par aakar bethe he . Par aaj khana khane ka kisi ka mood nahi he. Par sabne khana khaya . Taslim khana khane hamare sath nahi bethi he . O apne kamre me he. Shayad o abhi bhi pareshan he.
Mosi khana lekar Taslim ke kamre me ja rahi thi. Mene unhe rok kar kaha "mera khana ho gaya he me Taslim ko khana dekar aati hu". Ye kehkar me Taslim ke kamre me khana lekar ja rahi hu.kamre me aatehi mene dekha o bed ke ak taraf chup chap bethi he.
Me uske pas aakar bethi hu . Mene use khana khilaya or thodi der use bate karte yahi beth gai hu. Ab mene Taslim ko Sula diya he. Or me bhi sone ke liye apne kamre ki taraf ja rahi hu. Me kamre me aakar so gai hu.
Subah ho gai he . Suraj ki kirne khidki se aakar mere chehre par pad rahi he. Me nind se jag gai hu. Jagte ki mene dekha mera kamra akdam khubsurat saja huaa he . Bohot sare tohfe mere kamre me rakhe huye he. Sablog mere kamre me aaye. Or sablog muze janamdin ki badhai de rahe he . Ha Aaj mera janamdin he. Pichle dino jo huaa us sab ki vajah se me ye bhul hi gahi thi ki Aaj mera janamdin he.
Me muskura kar sabka shukriya kar rahi hu.abbu ne kaha 'aaj to mere beti ka janamdin he .sham me bade dhum dham se manaye ge.'ye sunkar me muskura rahi hu.
Sab log muze badhai dekar room se bahar chale gaye he. Me bhi Tayyar ho rahi hu . Tabhi usman mere kamre me
Aaya. Mene muskura kar uski taraf dekha . Usne ak bohot hi khubsurat locket nikal kar mere gale me pehnaya. Or muzse kaha' aaj tumhara janamdin he ,Aaj sham me tumhe ak bohot hi khubsurat tohfa milega '. Me ne use kaha' please batao na kya he. Sham tak muzse sabar nahi hoga.'
O muskara raha he mene firse kaha batao na usman . Usne kaha 'abhi nahi tum sham hone ka intazar karo' . Me ne kaha 'thik he jesa tum kaho.'ab o kamre se bahar chala gaya he . Me bhi jaldi se Tayyar ho rahi hu.
Tayyar hokar me niche ammi ke pas aa gai hu. Ammi ne aaj mere liye khir banai he. Khir muze bohot jyada pasand he. Khir dekh kar muzse sabar nahi ho raha . Mene turant katori me khir nikal li he. Or me khir kha rahi hu .
Taslim mera mazak uda Rahi he . Kehti he "aapi ko khir se koi dur nahi rakh sakta. Khir dekh kar aapi ki muh me pani aajata he".
Mene bhi muskara kar use jawab diya "aaj to me jarur khaungi khir ,Aaj mera janamdin he . Par tum mat khana tumara janamdin thodehi he". Ye sunkar sablog muskura rahe he.
Tabhi abbu mere pas aaye or muze ak gift box diya . Me badi hi khush hokar o gift box khol Rahi hu. Box kholte hi mene dekha usme ak bohot hi pyara dress he .abbu ne kaha 'aaj sham me tum yahi dress' pehenna.
Me ne kaha 'thik he abbu me yahi dress pehnungi.' Aaj muze itne sare tohfe dekh kar bohot jyada Khushi ho rahi he.me Aaj bohot jyada khush hu.
dress dekhte hi Taslim ne abbu se shikayat karni chalu kardi"aap mere liye kuch nahi laye mamu
Jaan". Abbu muskura kar bole "tum bhi muze Aayesha jitni hi pyari ho, tume tumhara tohfa tumhare janamdin par milega ." Unki bate sunkar ham sab muskura rahe hain. Taslim bohot hi masum he .kabhi kabhi o bacho jesi harkate karti he. Me shukrane ki namaz padhne Beth gai hu . Me Allah ka shukar ada kar rahi hu. Unhone muze itne ache logon se nawaza he . Itni sari khushiya di he . Or itni achi zindagi di he .
Namaz padh kar me thodi der room me aakar so gai hu. Dopahar ho gai he . Pata nahi kyu Aaj muze bohot zyada nind aa rahi he . Thode der sone ke bad me jag gai hu. Ghadi me dekha to 5 baj rahe he . Me uthkar mu hath dhokar room se bahar aagai hu . Mene bahar aakar dekha mere janamdin ki tayyari chal rahi he .sab log tayyari me lage huye he . Par muze intazar he usman ke tohfe ka . Pata nahi usne kya tohfa Tayyar kiya he mere liye .