Ek ladki thi jo apni imagination ki duniya me rehti thi,
Is kalyug me bhi vo life ko ek movie ki trah dekhti thi, apni life k har ek pal ko vo movie se compare karti thi.
Vo bahut intelligent, padhaku and sabse childish behavior wali ladki thi or apni family se bahut jada pyar karti thi.
Jab uska janam hua tab uska rang bahut kala tha or vo ladki thi is vajah se use dekhne hospital me koi nhi aaya uske janam p uske family wale bahut dukhi ho gae the or usse bahut chidte the,
Usko koi bhi god me khilane ke liye nahi leta tha sirf uske bhai k sath khela jata tha kyuki vo gora tha but uske parents usse bahut pyar karte the. Apne papa ki ladki beti thi vo uske papa use sher kehte the kyuki vo kisi se bhi nhi darti thi.
Uski family bahut hi simple purane khayalat ki thi uske janam k baad uske papa ne ghar me ek bahut hi sundar or aalishan mandir banwaya jisme sab log khatu shyam ke darshan karne aate the,
Us mandir me har devta ki moorti thi, ese enviroment me reh ke uska man bhi bhakti ki taraf badhne laga or vo badi khushi se apne papa k sath mandir me pooja karti thi or mandir ki safai me help karvati thi.
Bachpan me vo ladki kafi shant rehti thi baaki bacho ke comparison me vah na to khelti thi na to Khati piti Thi vah sirf din bhar Sone Ka kam karti thi uski mummy is Baat se Itna tang thi ki yah din bhar soti Kyon rahti hai is vajah se uski mummy Hamesha uski Pairon per Chutki Markar usko Utha deti Thi Aur FIR usko khana khilati Thi Kai bar aisa hota tha ki vah tab bhi nahin uthati Thi Aur FIR uski mummy use सोते-सोते khana khilati Thi Aur vah sote Hue hi khana kha Leti thi.
Usko sone ki buri habit thi vo khelte khelte kahi bhi so jati thi matlab kahi bhi jese chair p, stairs p, or ek baar to had hi ho gai thi ek din sardiyo ke time p vo kambal rakhne wali almari me do kambal k bich me so gai kuch der me jab uske gharwalo ko vo kahi nhi dikhi to sab dhundne lage or har jagah dekhne k baad bhi vo nhi mili to sab bahut jada pareshan ho gae, uski mummy rone lagi apni beti ko khone ke dukh me fir uske papa ne kambal me check kiya or dekha ki vo vaha aram se so rhi h,
Sb beth k apna sir pitne lage ki hum yaha itne pareshan h or ye shanti se so rhi hai.
Uski joint family thi jise vo kabhi bhi alag hote nhi dekh sakti thi uski bhagwan se ek hi wish rehti thi ki family me kitni bhi ldai kyu na ho jae bss family alag na ho.
Vo ladki apne papa k bahut jada close thi but as a girl usko utna pyar nhi mila jitna use milna chahiye tha.
Jada pyar or attention uske bade bhai ko hi mil jati thi but kami uske pass bhi nhi rehti thi use jitna milta hamesha usme khush rehti thi kabhi kisi se jealous ni hoti thi ,
Thode bade hone ke baad uske bhai ka admission school me kiya to uske man me bhi school jane ki excitement hone lagi vo sabko kehti thi ki muje bhi bhai ki trah school jana h but uski umar ke hisab se use school nhi bheja ja sakta tha
Ek din jab uska bhai school gaya to vo bhi bina kisi ki najro me aae apne bhai ke piche piche chali gai school but usko uska bhai nhi mila or vo kho gai, ... Ghar me bhi jab pata laga ki vo ghar me nhi hai to sab log fir se pareshan ho gae usko dhundne lage but vo kahi nahi mili, usko dhundte hue sab log bahar chale gae or jab vo raaste me mili to usse sawal kiya gaya ki vo kaha ja rhi thi tab usne badi masoomiyat ke sath jawab diya ki mai to apne bhai k sath school ja rhi thi padhne ke liye mera ghar me man nhi lagta akele koi khelne wala nhi hai isliye m school ja rhi hu,
Is maasoom jawab ko sunke sab muskurane lage or vapis ghar aa gae ye soch ke ki jab ye badi hogi to ise iske karname sunae jaenge
Dheere dheere time beeta or uska bhi school jane ka time aaya,
Jab vo ladki 3 saal ki hui tab use school bheja gya, school ke naam se vo bahut excited thi but jab vo school gai to usne naye logo ko dekha or vo dar gai. Vo apni family k alava bahar k har ek insan se baat karne me bahut darti thi isliye jb admission k time p usse sawal kiye gae to usne kisi bhi ek sawal ka jawab nhi diya tha,
Usko sb aate hue bhi vo kuch bol nhi paai is vjah se teacher bahut gussa ho gai thi or use ek khali room me band kar diya tha,
Ab band kamre me uski imagination high level p chali gai uske man ki kahaniya diwar p use animation ki trah chalti dikhai de rhi thi or vo chup chaap us kamre me bina kisi dar k bethi rhi,
Kafi der baad jb teacher ne gate khola ye soch k ki bachi dar na jae to unhone dekha ki vo ek dam shant bethi h uske chehre p koi shikan nhi thi,
Uski teacher ne usse fir se same sawal kiye but vahi haal tha usne ek bhi sawal ka answer nhi diya tha but parents ke jor dene pe teacher ne uska written test le liya
Usme usne sabhi sawal k sahi jawab likhe or pass ho gai, to use addmission mil gya.....
Ab vo or pareshan ho gai ki vo school me sabse kese baat karegi isi soch me doobe hue veh so gai..... Agle din school jane ki baari aai to uski imaginations fir se start ho gai,